2po2 flet hapur për pasurinë e tij: “Kam pare boll, edhe po mos punoja më, jetoj deri në fund të jetës” Reperi i njohur 2po2 ka bërë një deklaratë të fortë gjatë një interviste në ATV, ku foli për pasurinë dhe suksesin që ka arritur përgjatë viteve.
“Kam pare boll, nëse prej sot kurrë s’punoj, mundem me jetu deri të vdes,” u shpreh ai, duke nënvizuar se të ardhurat e tij të deritanishme nga muzika dhe biznesi i garantojnë një jetë të qëndrueshme financiare. 2po2 shtoi se pasuria e tij nuk vjen vetëm nga karriera muzikore, por edhe nga angazhimi në biznese të ndryshme, të cilat i ka zhvilluar paralelisht me muzikën.
Sipas tij, puna e vazhdueshme dhe vendimet e mençura kanë qenë çelësi i suksesit. Deklarata e tij ka ngjallur reagime të shumta në rrjete sociale, ku fansat dhe ndjekësit kanë komentuar për sinqeritetin dhe mesazhin e fortë rreth punës, ambicies dhe menaxhimit të financave. /Pasqyrapress/.
