Parlamenti zviceran ka zgjedhur Guy Parmelin si president të ri të Konfederatës për vitin e ardhshëm, duke i dhënë 203 vota – rezultati më i lartë në 25 vitet e fundit. Krahasuar me zgjedhjet e mëparshme, votat e Parmelin tejkalojnë rekordin e vitit 2019 dhe tregojnë një vlerësim të fortë për punën e tij si ministër i Ekonomisë.
Ai së fundmi ka nënshkruar marrëveshje të rëndësishme tregtare me SHBA-në, megjithëse është kritikuar për komunikimin rreth vizitës së disa biznesmenëve në Shtëpinë e Bardhë. Zgjedhja e presidentit federal zakonisht ndjek rotacionin tradicional, por numri i votave këtë vit shihet si një “dëshmi” e besimit në punën e tij. Pas zgjedhjes së Parmelin, pritet që Ignazio Cassis të marrë postin e nënkryetarit të Këshillit Federal /Pasqyrapress/
