Organizata e Veteranëve të Luftës së UÇK-së po intensifikon përgatitjet për protestën e 13 dhjetorit në Shkup, duke paralajmëruar pjesëmarrje të gjerë në mbështetje të ish-krerëve të UÇK-së që po gjykohen në Hagë.
Protesta pason disa tubime të mbajtura në Prishtinë, Tiranë dhe qytete të tjera, ku veteranët kanë kundërshtuar proceset gjyqësore që i konsiderojnë të padrejta. Kreu i OVL-UÇK-së, Hysni Gucati, tha se interesimi është i madh si nga Kosova, ashtu edhe nga Maqedonia e Veriut, duke parashikuar rreth 20 mijë pjesëmarrës. /Pasqyrapress/
