Një 24-vjeçar shqiptar, i shpallur në kërkim ndërkombëtar, është arrestuar në Serbi në kuadër të bashkëpunimit mes Interpol Tiranës dhe Interpol Beogradit, ka shkruar Insajderi.
Ai akuzohet se në janar 2025 ka ushtruar dhunë të rëndë ndaj bashkëjetueses së tij shtatzënë, transmeton Pasqyrapress.
Sipas autoriteteve, arrestimi u krye në kuadër të operacionit “The Wanted”, ndërsa Gjykata e Dibrës kishte caktuar më herët masën e sigurisë “arrest në burg” për veprën penale “plagosja e rëndë me dashje”.
Vijojnë procedurat për ekstradimin e tij drejt Shqipërisë. /pasqyrapress/
