Kryetari i Bujanocit, Arbër Pajaziti, ka njoftuar se mjetet e mbetura nga Turniri BuCup 2025 janë shndërruar në diçka konkrete dhe të dobishme për qytetin: rroba dhe këpucë pune për punëtorët e Komunalisë.
Sipas Pajazitit, ky është një gjest i vogël, por me domethënie të madhe për ata që çdo ditë kujdesen për pastërtinë dhe rregullin në hapësirat tona publike.
Sidomos gjatë dimrit, kur puna bëhet më e rëndë dhe kushtet më të vështira, mbështetja për ta është më se e nevojshme. Paratë e turneut u kthyen aty ku kanë më shumë vlerë – te njerëzit që na e mbajnë qytetin të pastër. Një investim modest në shifra, por i rëndësishëm për sigurinë, dinjitetin dhe respektin ndaj punës së tyre. /pasqyrapress/
