Një vendim i fundit gjykate në Turqi ka hapur debat të gjerë, pasi ka vlerësuar se ndërveprimet në rrjete sociale – përfshirë pëlqimin e fotove me natyrë sugjestive – mund të merren parasysh si element që cenon besimin brenda martesës.
Rasti u shqyrtua në kuadër të një procesi divorci, ku gjykata analizoi sjelljen online si pjesë të faktorëve që ndikojnë në prishjen e marrëdhënies bashkëshortore, ka shkruar Iliria news.
Sipas vendimit, veprime të përsëritura të tilla mund të interpretohen si mungesë respekti ndaj partnerit. Gjykata sqaroi se pëlqimi i një fotografie nuk përbën shkelje ligjore, por mund të përdoret si provë gjatë vlerësimit të fajësisë në rastet e divorcit. /pasqyrapress/
