Australia po bëhet vendi i parë në botë që ndalon adoleshentët nën 16 vjeç të përdorin rrjetet sociale, ndërsa Meta ka filluar tashmë të heqë përdoruesit australianë nga Instagram, Facebook dhe Threads.
Ky veprim vjen pak ditë para hyrjes në fuqi të ligjit më 10 dhjetor, që parasheh gjoba milionëshe për platformat që nuk marrin masa të rrepta verifikimi.
Meta njoftoi se përdoruesit 13–15 vjeç janë paralajmëruar se llogaritë e tyre do të mbyllen, ndërsa atyre u është dhënë mundësia të shkarkojnë dhe ruajnë përmbajtjet para çaktivizimit. Adoleshentët që besojnë se janë kategorizuar gabimisht mund të kërkojnë rishikim përmes një video-selfie ose dokumenti identifikimi. /Pasqyrapress/.
