Në kuadër të aktiviteteve për shënimin e Nëntorit të Lugines, Këshilli Kombëtar Shqiptar ka njoftuar një ngjarje të veçantë kulturore për komunitetin. Të enjten, më 27 nëntor,
Ansambli “Shota” solli energjinë dhe traditën e tij të njohur në Bujanoc, me fillim nga ora 19:00.
Në këtë program festiv u kënduan këngë e valle me motive shqiptare. Ky është një prej ansambleve më të respektuara shqiptare, i cili prej dekadash ruan dhe promovon vallet, këngët dhe kostumet tradicionale, duke e bërë kulturën tonë të jetojë në çdo skenë ku paraqitet.
Për të gjithë artdashësit dhe për komunitetin vendas, ky është një rast i rrallë për të përjetuar nga afër një program artistik të nivelit të lartë./Pasqyrapress/.
