Një 56-vjeçar nga fshati Raincë i Komunës së Preshevës, i raportuar i zhdukur disa ditë më parë në qytetin Wels të Austrisë, është gjetur pa shenja jete. Sipas autoriteteve austriake, trupi i Agim Nuredinit u gjet më 12 dhjetor, rreth orës 16:12, në një zonë pranë Rrugës Shtetërore 2132, në Hundsdorf.
Rasti është marrë në trajtim nga autoritetet kompetente, të cilat po vazhdojnë hetimet për të sqaruar rrethanat e ngjarjes, ndërsa deri më tani nuk ka të dhëna që tregojnë për ndonjë veprim të dyshimtë apo të kundërligjshëm. /Pasqyrapress/
