Takimi mes Endrit Elshanit dhe Benitës në Big Brother VIP Kosova ka tërhequr vëmendje të madhe të publikut. Ish-partneri i Benitës u shfaq papritur gjatë spektaklit, duke e surprizuar atë me praninë e tij dhe me një interpretim muzikor, moment që u shoqërua me emocione të dukshme nga ana e saj. Gjatë bisedës së zhvilluar mes tyre, Endri theksoi se kishte ardhur për ta përkrahur Benitën, ndonëse nuk ishte dakord me vendimin e saj për t’u bërë pjesë e reality show-t. Ai i dha këshilla që të qëndrojë e qetë dhe e fortë gjatë lojës, duke nënvizuar mbështetjen e tij morale. Nga ana tjetër, Benita bëri të ditur se lidhja e tyre kishte zgjatur rreth pesë vite dhe ishte përfunduar rreth gjashtë muaj para hyrjes së saj në BBVK. Ajo tha se ndarja kishte ardhhur si pasojë e xhelozisë, duke e cilësuar atë si një vendim të rëndësishëm në rrugëtimin e saj personal. Takimi u komentua gjerësisht edhe nga opinionistët e programit, të cilët e cilësuan momentin më shumë si një gjest mbështetës mes dy ish-partnerësh, sesa si shenjë e një ribashkimi romantik. Reagimet në rrjetet sociale kanë qenë të shumta, duke e bërë këtë një nga momentet më të përfolura të edicionit. /pasqyrapress/
