Agjencia për Barazi Gjinore, në kuadër të Zyrës së Kryeministrit, ka shënuar fillimin e fushatës ndërkombëtare “16 Ditët e Aktivizmit kundër Dhunës ndaj Grave dhe Dhunës me Bazë Gjinore” duke ndriçuar fasadën e Ndërtesës së Qeverisë me ngjyrën portokalli dhe simbolin e kordeles së bardhë. Ky gjest simbolik përçon mesazhin e angazhimit institucional kundër çdo forme dhune ndaj grave dhe vajzave.
Fushata, e zhvilluar globalisht çdo vit, synon të rrisë vetëdijen publike dhe të nxisë veprime konkrete për parandalimin e dhunës me bazë gjinore.
Ndërtesa e Qeverisë do të qëndrojë e ndriçuar nga ora 17:00 deri në 24:00, si një thirrje e vazhduar për solidaritet dhe reagim shoqëror. /pasqyrapress/
Postimi i plote nga faqja:
”Në hapje të fushatë së 16 Ditëve të Aktivizmit, Fushatës Ndërkombëtare për Eliminimin e Dhunës ndaj gruas dhe dhunës në baza gjinore Agjencia për Barazi Gjinore/ Zyra e Kryeministrit ka ndriçuar Ndërtesën e Qeverisë me simbolin e kordeles së bardhë dhe ngjyrën portokalli.
Çdo vit përmes fushatës bëhen thirrje për veprime globale për të rritur ndërgjegjësimin në mbarë botën për parandalimin dhe eliminimin e dhunës ndaj grave dhe vajzave.
Ndërtesa e Qeverisë do të jetë e ndriçuar prej orës 17:00 deri në oren 24:00.”
