Një ngjarje e rëndë është raportuar të premten në mëngjes në Fushë Kosovë, ku një grua ka mbetur e lënduar rëndë si pasojë e një sulmi të dyshuar nga i fejuari i saj. Sipas raportit 24–orësh të Policisë, viktima fillimisht ka marrë ndihmën e parë në QKMF, ndërsa më pas është transferuar në QKUK, ku iu është nënshtruar operacionit për shkak të gjendjes së rënduar shëndetësore.
“VRASJE E RËNDË NË TENTATIVË – Fushë Kosovë / 29.11.2025 – 07:45. Njësitet policore pas pranimit të informatës kanë dalë në vendin e ngjarjes dhe kanë takuar viktimën, e cila dyshohet se kishte pësuar lëndime nga mjeti i mprehtë. Pas tretmanit fillestar në QKMF, ajo është dërguar në QKUK për operim për shkak të gjendjes kritike. I dyshuari, i fejuari i saj me të cilin bashkëjetonte, është arrestuar dhe dërguar në mbajtje me vendim të prokurorit. Në vendin e ngjarjes është konfiskuar një thikë që dyshohet të jetë përdorur në rast,” thuhet në raportin e policisë. /Pasqyrapress/.
