Reshjet e shumta të shiut gjatë orëve të fundit kanë përfshirë Hasin dhe një sërë zonash të tjera në vend, duke shkaktuar rritje të nivelit të ujërave dhe përmbytje në hapësira bujqësore e rrugë dytësore. Pamjet nga terreni tregojnë sipërfaqe të mëdha nën ujë, ndërsa në disa fshatra qarkullimi është vështirësuar. Autoritetet lokale bëjnë apel për kujdes të shtuar, veçanërisht në zonat pranë lumenjve dhe përroit, ndërsa ekipet janë në gatishmëri për të ndihmuar banorët në rast nevoje.
Deri tani nuk raportohet për persona të lënduar, por situata mbetet dinamike për shkak të parashikimeve për reshje të vazhdueshme. Banorët këshillohen të shmangin lëvizjet e panevojshme dhe të njoftojnë institucionet për çdo emergjencë. Zhvillimet po ndiqen në kohë reale. /pasqyrapress/
