Procesi i numërimit të votave po vazhdon, ndërsa rezultatet paraprake po sjellin edhe raste të rralla në listat zgjedhore. Mes kandidatëve në garë, është evidentuar një emër që deri në këtë fazë ka arritur të sigurojë vetëm një votë. Sipas të dhënave të deritanishme, në radhët e Partisë Balli Kombëtar Demokrat Shqiptar, kandidatja Arlinda Kitaj rezulton me vetëm një votë, në një kohë kur është numëruar rreth 26 për qind e votave. Numërimi vijon dhe shifrat pritet të ndryshojnë me përditësimin e rezultateve zyrtare. /pasqyrapress/
