Irani po përballet me një ndërprerje të gjatë të internetit, e cila sipas të dhënave të monitorimit ndërkombëtar ka kaluar tashmë 120 orë. Organizata e pavarur që monitoron trafikun global të internetit, NetBlocks, njofton se qasja në internet në vend ka rënë në rreth 1 për qind të nivelit normal. Kjo do të thotë se shumica e përdoruesve brenda Iranit kanë shumë pak ose aspak mundësi për t’u lidhur me rrjetin global. Sipas raportimeve ndërkombëtare, kompanitë iraniane të telekomunikacionit kanë paralajmëruar edhe masa ligjore ndaj qytetarëve që përpiqen të përdorin mënyra alternative për të hyrë në internet jashtë kufizimeve të vendosura. Kjo situatë e bën të vështirë që të krijohet një pasqyrë e qartë për zhvillimet që po ndodhin brenda Iranit, pasi komunikimi dhe shpërndarja e informacionit janë shumë të kufizuara. /pasqyrapress/
