Gjatë një udhëtimi tranzit nëpër Serbi, një mërgimtar shqiptar është përballur me një situatë të rëndë dhe shqetësuese, e cila ka zgjatur për rreth një orë dhe ka lënë pasoja serioze materiale dhe emocionale. Sipas rrëfimit të tij, ai është ndalur për kontroll të detajuar, ku janë shfletuar telefoni dhe profilet e tij në rrjete sociale.
Gjatë këtij procesi, janë konsideruar problematike disa fotografi personale dhe familjare, përfshirë kujtime historike dhe figura të njohura të historisë sonë kombëtare. Përveç kontrollit të gjatë dhe presionit psikologjik, mërgimtarit i janë marrë edhe sende personale, si dhe para në vlerë rreth 2.500 euro.
Rasti po bëhet publik me qëllim informimi dhe paralajmërimi për bashkatdhetarët që udhëtojnë nëpër ato zona, që të tregojnë kujdes të shtuar dhe të jenë të vetëdijshëm për situata të papritura që mund të ndodhin gjatë udhëtimit. /PASQYRAPRESS/
