Me respekt dhe mirënjohje të thellë, Organizata e Veteranëve të Luftës së Ushtrisë Çlirimtare të Kosovës ka kujtuar dëshmorët e rënë gjatë luftës çlirimtare në muajin dhjetor.
Në këtë përkujtim, OVL-UÇK ka theksuar se gjaku dhe sakrifica e tyre janë themeli mbi të cilin u ndërtua liria dhe shtetësia e Kosovës. Sipas OVL-UÇK-së, dëshmorët mbeten simbol i guximit, përkushtimit dhe dashurisë për atdheun, ndërsa amaneti i tyre obligon brezat e sotëm dhe të ardhshëm të ruajnë vlerat e luftës çlirimtare dhe të punojnë për një Kosovë të lirë, të drejtë dhe të zhvilluar. /Pasqyrapress/
