Qendra Kombëtare për Menaxhim Kufitar njofton se nga sot, prej orës 12:00, është ndërprerë qarkullimi i kamionëve në të gjitha pikat kufitare mes Kosovës dhe Serbisë. Sipas autoriteteve, masa vjen si pasojë e protestave të shoferëve të kamionëve në Serbi, të lidhura me vendimet e Bashkimit Evropian.
Protestat pritet të zgjasin deri në shtatë ditë dhe mund të ndikojnë në qarkullimin e mallrave dhe të krijojnë ngarkesë në zonat kufitare. Autoritetet u bëjnë thirrje transportuesve që të informohen rregullisht për zhvillimet e mëtejme. /PASQYRAPRESS/
