Një incident i rëndë ka ndodhur në fshatin Ponesh të Gjilan, ku një i mitur dyshohet se ka goditur babanë e tij 58-vjeçar me mjet të mprehtë. I lënduari fillimisht është trajtuar në spitalin rajonal dhe më pas është dërguar në Qendra Klinike Universitare e Kosovës. Sipas mjekëve, ai ndodhet në gjendje stabile dhe po vazhdon trajtimin në Klinikën e Neurokirurgjisë. Rasti është iniciuar si “vrasje e rëndë në tentativë”, ndërsa hetimet janë në zhvillim për të sqaruar rrethanat. Ndërkohë, shërbimet sociale kanë konstatuar nevojë emergjente për strehimin e të miturit për shkak të gjendjes së rënduar psikologjike pas ngjarjes. /pasqyrapress/
