Tensionet në Big Brother VIP Kosova shpërthyen sot në mëngjes, duke sjellë një nga debatet më të ashpra të këtij edicioni. Përplasja nisi mes Sasa Hodës dhe Labinot Rexhës, por shumë shpejt u përfshinë edhe banorë të tjerë.
Sasa kërkoi sqarim nga Labi për komentin e tij rreth identitetit të saj, pasi ai e kishte pyetur nëse “e ndien veten shqiptare”.
”Per cka po vjen, qe e kom pas gjyshen serbe, qe ti ka palu 10 shqiptare..je njeri ma i lige qe e njoh, pevaqic e muzikave live”, i eshte kthyer Sasa.
Labi këmbënguli në këtë deklaratë, duke e ngritur debatin në nivel identitar. Nga ana tjetër, Sasa u mbrojt duke shpjeguar përdorimin e fjalës “zhvallit” si pjesë të të folurit në Rahovec, ndërsa Labi e interpretoi si ndikim të gjuhës serbe.
Debati u përshkallëzua me akuza personale, ku u përfshinë edhe Edi, Hygerta dhe Londrimi, të cilët kritikuan sjelljen e Labit. Nga ana e saj, Sasa e akuzoi Labin për përdorimin e informacioneve nga jashtë dhe e goditi me deklarata të forta lidhur me prejardhjen dhe familjen e saj. Ngjarja krijoi një atmosferë të tensionuar në shtëpi, duke hapur një prej konflikteve më të mëdha mes banorëve deri tani. /Pasqyrapress/
