Policia e Kosovës njofton se njësia FAST, në bashkëpunim me strukturat tjera relevante, ka arrestuar sot një shtetas të huaj të kërkuar me urdhër arrest ndërkombëtar nga INTERPOL-i. Arrestimi është kryer rreth orës 13:30. I dyshuari kërkohej nga një shtet tjetër për vepra penale që lidhen me keqtrajtim të të miturve dhe privim të paligjshëm të lirisë.
Pas arrestimit, atij i është caktuar ndalim policor prej 48 orësh me vendim të prokurorit. Policia e Kosovës konfirmon se do të vazhdojë bashkëpunimin ndërkombëtar në luftimin e krimit dhe garantimin e sigurisë publike./Pasqyrapress/.
