Situata e Labinot Rexhës ka marrë një kthesë të papritur, ku aspekti njerëzor ka mbizotëruar mbi çdo rregull loje. Pas një marrëveshjeje mes familjes dhe produksionit, është vendosur që artisti të lejohet të dalë përkohësisht nga izolimi. Labinoti do të udhëtojë drejt Rahovecit për të qenë i pranishëm në ceremoninë mortore të gjyshit të tij, që zhvillohet sot.
Ky vendim është marrë me mirëkuptim të plotë, duke i dhënë atij mundësinë të jetë pranë familjes në një moment të vështirë emocionalisht. Familjarët kanë falënderuar publikisht produksionin për fleksibilitetin dhe mbështetjen, ndërsa pas përfundimit të ceremonisë, Labinoti pritet të rikthehet sërish në formatin e lojës. /pasqyrapress/
