Dizajneri Festim Isufi u gjet i vdekur në maj në banesën e tij në rrugën “B” në Prishtinë, ndërsa bashkëshortja e tij, Rina Maloku, u gjet e lënduar dhe mori trajtim mjekësor. Policia njoftoi se të dy kishin lëndime të shkaktuara nga një mjet i mprehtë.
Rasti u hap nga Prokuroria si “Hetim mbi vdekjen”, ndërsa janë intervistuar disa persona dhe është pranuar raporti i autopsisë. Institucioni ka konfirmuar se deri tani nuk ka dyshime të bazuara për ndonjë person të përfshirë, ka njoftuar insajderi.
Në përgjigjen e sotme për lajmi.net, Prokuroria tha:
“Prokuroria Themelore në Prishtinë ka pranuar raportin e autopsisë dhe ka intervistuar disa persona. Nga të dhënat e deritanishme rezulton se nuk ekzistojnë dyshime të bazuara lidhur me këtë rast. R.M. nuk është e dyshuar dhe ndaj saj nuk është nxjerrë aktvendim për fillimin e hetimeve. Prokuroria është ende në pritje të disa provave shtesë, të cilat do të ndihmojnë në zbardhjen e plotë të çështjes.” /Pasqyrapress/.
