Serbia po paralajmëron një reformë të re në arsim, që mund të ndryshojë mënyrën tradicionale të zhvillimit të mësimit në shkolla. Ministri i Arsimit ka bërë të ditur se po shqyrtohet mundësia që ora mësimore të shkurtohet nga 45 në 30 minuta. Sipas tij, ky propozim lidhet me ndryshimet në mënyrën e përqendrimit dhe të nxënit tek brezat e rinj, duke theksuar se modeli aktual nuk i përgjigjet më realitetit të sotëm. Reforma synon më shumë ndërveprim në klasë, rol aktiv të nxënësve, si dhe përdorim më të madh të teknologjisë dhe inteligjencës artificiale në procesin mësimor. /PASQYRAPRESS/
