Mesdheu Qendror është përfshirë sërish nga një incident i rëndë gjatë rrugëve të migrimit, ku një anije e mbushur me emigrantë është mbytur pak pas nisjes.
Sipas të dhënave publike, bilanci i deritanishëm flet për 116 viktima. Organizata Sea Watch ka bërë të ditur se vetëm një person ka arritur të mbijetojë, pasi është shpëtuar nga një peshkatar tunizian.
Alarm Phone kishte ngritur alarmin për rrezikun, ndërsa zona po monitorohej edhe nga ajri.
“Alarm Phone konfirmoi se anija u mbyt menjëherë pas nisjes, ndërsa vetëm një person arriti të mbijetojë”, ka bërë të ditur Sea Watch
Mesdheu Qendror mbetet një nga itineraret më të rrezikshme drejt Evropës, ndërsa organizatat humanitare kërkojnë më shumë përgjegjësi dhe masa shpëtimi. /pasqyrapress/
