Në Napoli, pronari i një restoranti sushi u dënua me 2 vite e 6 muaj burg, pasi gjykata e konsideroi përgjegjës për helmimin që çoi në humbjen e jetës së 15-vjeçarit Luca Piscopo në dhjetor 2021. Sipas Prokurorisë, adoleshenti kishte konsumuar sushi me miqtë dhe më pas u prek nga salmoneloza, e cila dyshohet se shkaktoi një formë të rëndë të miokarditit. Mjeku që e trajtoi djalin u shpall i pafajshëm, pasi gjykata vlerësoi se mungonin provat që ta lidhin drejtpërdrejt me përgjegjësinë mjekësore.
Lirimi i mjekut ka shtuar pakënaqësinë e familjes, e cila kërkon drejtësi më të plotë për rastin. Ata theksojnë se hetimet duhet të thellohen dhe se përgjegjësia për trajtimin e gabuar nuk mund të anashkalohet. Ndërkohë, komuniteti lokal ka shprehur mbështetje për familjen, duke kërkuar që ngjarje të tilla të trajtohen me më shumë rreptësi dhe transparencë në të ardhmen. /Pasqyrapress/.
