Punëtorët e Ndërmarrjes “Tregu” në Gjilan paralajmërojnë nisjen e grevës më 26 nëntor, për shkak të vonesave të vazhdueshme në pagat e tyre, ka shkruar Radio Dukagjini.
Pas protestës së djeshme para Komunës së Gjilanit, kryetari Alban Hyseni u takua sot me përfaqësuesin e ndërmarrjes, Nexhat Veseli.
Veseli tha për Radio Dukagjinin se pret që takimi të sjellë një zgjidhje. Nëse nuk arrihet marrëveshje, punëtorët do të nisin grevën me një ndërprerje treorëshe të punës, duke paralajmëruar masa të tjera më pas. /Pasqyrapress/.
