Big Brother VIP Albania 5” po afrohet me ritëm të shpejtë.
Edhe pse Top Channel ka publikuar promon e dytë pa një datë të saktë, misteri nuk ka zgjatur shumë. Sipas Prive by Liberta Spahiu, përmes burimeve të sigurta, ka zbuluar se sezoni i ri do të nisë më 20 dhjetor, një e shtunë që pritet të ndezë fillimin e maratonës më të ndjekur televizive në vend.
Promoja e Top Channel paralajmëron “emocione të mëdha dhe rekorde të pathyeshme”, ndërsa produksioni premton surpriza dhe aventura të reja për publikun. Ky prag sezoni megjithatë mbetet i shoqëruar me trishtim.
Siç është raportuar, këngëtari i ndjerë Shpat Kasapi ishte paraparë të ishte pjesë e kastit të këtij edicioni, por largimi i tij i papritur e bëri të pamundur pjesëmarrjen. Me datën tashmë të zbuluar, mbetet të shihet se cilët personazhe do të hyjnë në shtëpinë më të famshme këtë vit. /Pasqyrapress/.
