Në Big Brother VIP Kosova, Aurora ka rrëfyer me shumë ndjeshmëri se si, në fëmijëri, prindërit e saj morën vendimin e vështirë për ta lënë të jetonte tek halla. Ajo shpjegoi se ky vendim nuk u mor nga mungesa e dashurisë, por nga rrethana të rënda familjare dhe ekonomike, që në atë kohë nuk u lejonin prindërve t’i ofronin kushtet e nevojshme për t’u kujdesur për të. Sipas Aurores, ajo u “fal” te halla me bindjen se aty do të kishte më shumë stabilitet dhe përkujdesje.
Megjithatë, për një fëmijë, kjo ndarje ishte e dhimbshme dhe e pakuptueshme, duke i lënë asaj ndjenjën e mungesës dhe boshllëkut emocional për shumë vite me radhë. Ajo tregoi se për një kohë të gjatë është rritur me pyetje pa përgjigje dhe me ndjesinë se ishte lënë pas, ndonëse sot e kupton se prindërit e saj vepruan ashtu siç mendonin se ishte më e mira për të. Rrëfimi i saj vuri në pah peshën emocionale që mbartin vendime të tilla dhe ndikimin afatgjatë që ato kanë tek fëmijët. /pasqyrapress/
