Një situatë e papritur tensionoi mbrëmjen në shtëpinë e Big Brother VIP Albania, kur Rogerti vendosi të ndërpresë përkohësisht rrugëtimin e tij në lojë. Pas një debati të fortë dhe kritikave për mënyrën e komunikimit me banorët e tjerë, ai kërkoi hapjen e derës dhe doli nga shtëpia live, duke lënë të habitur si banorët ashtu edhe publikun. Momentet e largimit u komentuan gjerësisht në rrjetet sociale, ku ndjekësit e spektaklit reaguan me mendime të ndara për vendimin e tij. Megjithatë, situata mori një kthesë të shpejtë. Pas një bisede me moderatoren dhe reflektimit për situatën e krijuar, Rogerti vendosi të rikthehet në shtëpi për të vazhduar garën. Ai u shpreh se kishte reaguar nën ndikimin e emocioneve dhe se do të përpiqet të menaxhojë më mirë debatet në vijim. Rikthimi i tij pritet të ndikojë në marrëdhëniet mes banorëve dhe në dinamikën e lojës në ditët e ardhshme. /pasqyrapress/
