Debati për postin e presidentit ka nxitur reagime të reja në skenën politike. Deputetja Adriana Matoshi ka publikuar një status kritik ndaj Lidhjes Demokratike të Kosovës, duke iu referuar zhvillimeve dhe diskutimeve rreth mundësisë së zgjedhjes së presidentit. Në reagimin e saj, ajo ka theksuar se dikur kjo pozitë ishte arritur me mbështetjen e kryeministrit Albin Kurti, ndërsa tani, sipas saj, po kërkohet sërish e njëjta gjë nga të njëjtët akterë politikë. Matoshi shkruan se situata aktuale po tregon një lloj “harrese politike”, duke sugjeruar se disa parti po e kërkojnë përsëri një rol që, sipas saj, nuk do ta kishin pasur pa mbështetjen e mëhershme të Kurtit. Postimi i saj vjen në kohën kur në Kosovë po zhvillohen diskutime dhe përplasje politike lidhur me procesin e zgjedhjes së presidentit dhe nevojën për konsensus në Kuvend. Në fund të reagimit, deputetja shpreh edhe zhgënjim personal, duke thënë se kishte pasur një mendim tjetër për qasjen e kundërshtarëve politikë në këtë çështje. /pasqyrapress/
