Një rast i pazakontë është raportuar në Turqi, ku një grua 70-vjeçare është paraqitur në spital me dhimbje barku. Pas kontrolleve, mjekët zbuluan se ajo kishte një sasi jashtëzakonisht të madhe gurësh në fshikëzën e tëmthit.
Sipas raportimit, gjatë operacionit u hoqën më shumë se 20 mijë gurë të vegjël, të cilët nuk mund të numëroheshin individualisht, ka shkruar Gazeta e Re.
Për këtë arsye, ekipi mjekësor përdori një sistem të inteligjencës artificiale për të vlerësuar numrin e tyre. Pacientja është raportuar në gjendje të qëndrueshme pas ndërhyrjes dhe po vazhdon rikuperimin nën kujdesin e mjekëve. Rastet me numër aq të madh gurësh në tëmth janë jashtëzakonisht të rralla, ndërsa mjekët theksojnë rëndësinë e kontrollit të hershëm kur shfaqen simptoma si dhimbje të barkut ose shqetësime në tretje./Pasqyrapress/.
