ASK publikoi statistikat: 18 fëmijë të braktisur në Kosovë nga janari deri në tetor Agjencia e Statistikave të Kosovës ka bërë publike të dhënat për rastet e braktisjes së fëmijëve gjatë periudhës janar–tetor, ku rezulton se në gjithë vendin janë regjistruar 18 raste.
Podujeva dhe Malisheva janë komunat me numrin më të lartë të fëmijëve të braktisur. – Në Podujevë janë regjistruar 3 raste: dy në janar dhe një në prill. – Po ashtu 3 raste janë shënuar edhe në Malishevë, të gjitha gjatë muajit maj. Komunat Fushë Kosovë, Ferizaj dhe Vushtrri kanë raportuar nga dy raste secila. Ndërsa Prishtina, Vitia, Kamenica, Kaçaniku, Gjakova dhe Deçani kanë regjistruar nga një rast të vetëm të braktisjes së fëmijëve për këtë periudhë. Të dhënat e publikuara rikthejnë në fokus rëndësinë e mbështetjes sociale dhe rolin e institucioneve për parandalimin e rasteve të tilla. /pasqyrapress/.
